vry my.

fin.

mari. — Thu, 24 Nov 2011 07:58:16 +0000

sulke tyd vir ons
krane toedraai
terugdraai
laagwater -
en skulpe bly agter

ek wil eerder dig
oor Kaapstad
Paternoster
film in die kamera
patroon van ‘n rok

maar ek’s die moer in

en die wind skep deur jou hare
en ek ruik jou oral
en die wind skep deur jou hare
en ek ruik jou oral

oral.

15 (kmm2)

mari. — Tue, 13 Sep 2011 11:47:20 +0000

hier’s wat ek weet:
15 minute kan rek
en krimp
en skuur teen verstand
soos ‘n kat na
lyf warmlê op die vensterbank

15 minute is genoeg
vir omdraai
wegdraai
deurmekaar draai

terugdraai
inlê soggens
verkeer vang

daar lê 15 minute tussen ons saamgevlegde voete

mari. — Thu, 08 Sep 2011 05:21:35 +0000

via fuckyeahjonathansafranfoer on tumblr.

9.8.11

mari. — Tue, 23 Aug 2011 13:02:59 +0000

ouma,

die komma hang te lank op kaal papier…

wat sê ’n mens dan
as daar nie meer woorde is nie
as klank ook opdroog
as daar nie meer hande is om vas te hou nie

ek wil ‘skuus sê vir die rooinaellak wat
ek gedra het toe ek totsiens kom sê het
(ek onthou hoe jy ek klein was gesê het dit lyk aaklig)
dankie vir roomys-ontbyt
wafels vir lunch
Britbaai-vakansies
’n poep-grap, hard lag

jy’t my in herken in die laan
soos jy gesê het jy sou,
al raak ek hoe groot
en jy
hoe oud

die klein eenvoudige goed,
dít sê mens
dís wat ons onthou –

pekaneutbome
die mossienes op die plaashuisbalkon
gehekelde komberspatrone

mag die miswolke altyd soggens
rol oor Simonsberg
mag die son elke middag
deur die akkerbome bars
en mag die digbundels volop wees

tot ons mekaar weer raakloop in die laan…

kmm 1

mari. — Thu, 11 Aug 2011 19:50:44 +0000

luister na joanna newsom
van bere en balonne
karate-aandetes
maar jy weet. natuurlik.

ek roer deesdae gereeld
jou stem in my tee in
klingel-klingel so
saam met die te-e-le-pel

ruik jou in woorde
bedompige wasgoed
my plaashuis duvets
van toe ek kind was
a-
sem in

jy weet, natuurlik
van linte
en perskes
en walvisse?
soos vingers
en vel
en swaar slaapkamer oë

voel jy soms as ons saam lê
hoe jou vel uitrek en deurskuur
soos die moue van ‘n ou trui
wat lekker dra

trek

mari. — Fri, 08 Jul 2011 09:19:57 +0000

ek wonder oor trou
hoe mens besluit
en hoe dit voel

ek het ‘n prent van ‘n ontploffing in die ruimte
onderskrif, ‘n “moment of great significance”
maar dan is dit seker maar heeltyd
in die strate
in motors
en huise
en in beddens
monde
oë
hande wat vashou
en voete wat padvat…

mari. — Fri, 01 Jul 2011 21:53:32 +0000

Ekskuus.
Meneer,
Soek nommer 3 Kortverhaal straat
Een Twee Drie
Uitgesluit?
Kortverhaal straat. Seker?
Ja nee
Spaarsleutels, meneer?
Uitgesluit, ja
Ek bly daar
Of het, dit blyk
Uitgesluit
Binne is my sleutel
Erens onder die bank vasgedruk
Sal even in die fridge kyk
Uit-ge-fokken sluit. Ei-donners-na
Sal maar wag, meneer
Buite,

mari. — Tue, 01 Mar 2011 20:20:51 +0000

ek dra swaar aan die glas
bottels wat my water dra
organiese bollie
want plastiek bottels maak
gif as dit warm raak

ek dra eerder swaar
esoteriese organiese ekonomiese
bollie.

‘n video soos ‘n Paul Simon liriek

mari. — Tue, 22 Feb 2011 08:27:09 +0000

WORDS from Everynone on Vimeo.

alexander,

mari. — Tue, 15 Feb 2011 05:54:00 +0000

feite ontrafel
niks hak
sonder uitrafel nie
mettertyd
en jy’s my alexander
en ek het vergeet
hoe vinnig woorde
Inrol en uitrol
nate oo
p
gepeuter word
en hoe seer
smeek vir vergifnis is

feite ontknoop
en leegheid klots saam
soos ouerhuise sonder kinders
en ek het vergeet jy’s my
alexander

vergeet van pas
en een en een
is twee
en sirkels kn
ip

vergeet jy’s onsettend mooi
as jy kaal slaap
jou lyf nat is
jou vingers hare soek
en wanneer jy bestuur

en as jou hart in jou skoene sit
en jou oё in jou hande
en uit by die venster
en ek het vergeet hoe jou mooi my hart breek.